20130327 三年「趣」事

陪爺爺覆診遇見兩件家長子女事：

1. 牛高馬大女中學生，竟然要媽咪幫佢沖杯朱古力；再送埋位俾佢，仲要教埋佢拎紙巾墊住，媽咪去洗手間又要左交帶右交帶小心唔好倒瀉...唉！

2. 洗手間有三格，是男女共用的，兩母子排在我和爸爸前面。前面的兒子出來，我先帶爸爸進去，馬桶沒有沖水... 我出來到鄰格，他媽媽也同樣沒有沖水！但那對母子是七十多歲的母親和四十多歲的兒子。唉唉！

3. 下巴士時，有個菲傭因為顧著拉著買餸車落巴士，竟然把同行的婆婆漏了在巴士上，幸好司機未開車，她還可以趕上巴士把婆婆接下車。這已經算奇怪？未算，我曾經見過有個媽咪是漏了BB車在巴士，但BB是在BB車上的！

希望我唔係五十步笑一百步啦！