煲薑醋的步驟 1 & 2

煲薑醋的步驟

材料：
大肉老薑五磅、添丁甜醋一大樽、豬手或豬腳兩隻、雞蛋十二隻。

做法：
1. 搵人幫手。
2. 洗淨薑，刮去皮，切成大塊，略為拍扁。
3. 燒熱乾鑊，不用放油，將薑炒片刻。
4. 用大瓦煲或玻璃煲盛甜醋，煲至滾，放入薑，煲至大滾，蓋，改用中火，煲約二小時，熄火，讓薑在醋中浸隔夜。翌日再煲十五分鐘，如是者煲約三星期。（通常在預產期前一個月便要開始煲薑醋，豬手或豬腳應在食前一星期加入。）
5. 處理豬手或豬腳：刮去豬毛，斬件，用滾水拖過，再沖凍水，然後放入薑醋中煲至稔。
6. 雞蛋隨水置煲中，慢火煲熟，然後去殼，加入薑醋中，煲至金黃色即可。

P.S. 在眾薑之中找到一舊「長頸鹿薑」！