年初五

　　今天是外母的生日，大家一起到深圳為她慶祝生日！

　　不過最攪笑係如真同華仔因為去左旅行要到晚上9:40才落機；所以無一齊去食飯。飯後，燕和我坐過境巴士返港，當我地過左皇崗境打俾佢地，佢地話岩岩上左A11！但當我地架過境巴士去到葵涌碼頭竟然見到有一架A11響我地前面，於是就有下面呢段對白：

如燕：「真真，而家你架巴士去到邊度呀？係咪響ｄ貨櫃附近？」

如真：「係呀！你呢？」

如燕：「我架巴士響你架A11後面呀！」

如真：「係咩？你架巴士會唔會爬頭架？」

如燕：「而家佢開始爬頭啦！」

如真：「我坐響樓上左手邊，你見唔見到我呀？」

　　之後我地就見到兩個在上層站起來勁揮手的人仕啦......哈哈！