2 days

　　廿幾年來，只住過醫院、西貢、石硤尾和Mississauga，過兩天便開始要搬去第五個地方－－筲箕灣。所以今晚忽然間興起在這個陪了我廿多年的地鐵站拍拍照留念。記得地鐵首日通車，我只是一兩歲，就站在家中的露台看著千百人在排隊試搭頭班車！（當然不是我自己記得，而是父母在我長大後才憶述）但竟在我離開之前，它開了7-11和鴻福堂，我住了這麼多年又唔開，我一搬走佢就開張，乜料！

　　今天繼續忙碌，為我禱告，每天也只睡四、五個小時，我已經變左一隻熊貓了！

3 days

　　尚餘三天！

　　今晚得幾位兄弟姊妹仗義幫忙，拔刀襄助，真的感謝主恩！當然除了多謝John為我們擔任婚宴的司儀外，其實也有另外一位姊妹幫忙，她就是Apple姐姐啦，不過Apple姐姐因為另有要事在身，未拍照前已經先行"挪亞長子－－閃"了！

　　果然係情與義值千金，葉氏兄弟幫到你！非常感謝葉弟弟開車，葉哥哥搬運，為我們搬了不少物資回家！多晒！

4 days

我地就快結婚啦！仲有四天乍！好緊張好緊張好緊張呀！

*本堂即香港潮人生命堂 中環些利街20號

www.hkswatow.org.hk

【會友喜訊】轉載自2006/10/22《生命週刊》

5 days

　　還有五天大日子便降臨！今早起床望著天花板，心中想起還有很多事情未完成，不禁有一點擔心和壓力，求主幫助及教導，讓我學習凡事交託的功課。

　　10月22日是我的last day，離開工作了八年的崗位，踏入人生另外一個階段。將來；不知道會如何，但我卻確信天父必有預備與帶領！

　　好開心今日剪左個新髮型，買左個新玩具（MacBook）！你鍾意我個新髮型多ｄ定係我個新玩具多ｄ呢？hehe......

*【離職通告】轉載自2006/10/15《生命週刊》

6 days

　　婚禮各樣籌備事宜正密鑼緊鼓地進行。今天輪到TBL練習獻唱詩歌，還有一班充滿藝術細胞的弟兄姊妹幫忙佈置禮堂，只要你看看Angel不顧儀態爬高爬低；你便會知道有一群甘願拋頭臚灑熱血的兄弟姊妹幫助我們，真的要在此說一句，多晒！

　　佈置後大夥兒移師往南山村歎杯遠近馳名$11大大杯的凍朱，大大舊的cream，香濃的朱古力；喝後真係令人心曠神怡。而飯後Faith表演兩歲小朋友教三十歲大朋友彈琴給大家欣賞，加埋月餅，巨峰提子相陪，嘩！今晚實在係太豐富啦！多謝耶穌！

7 days

　　還有七天，便是如燕和我的大日子了！真的很期待這一天的來臨呀！

　　今晚綵排婚禮，有一班可愛的花仔、花女與我們一起開開心心跑跑跳跳了一晚，看見他們這樣活潑可愛，彷彿自己也年輕了廿幾歲！多謝各位家長千里迢迢帶小朋友來練習，更多謝Grace走了一堂英文堂來綵排添！

　　除了試步之外，也練習證婚環節及敬拜的詩歌，當未練歌之前，Mandy充當了我們全場惟一的觀眾（參圖五）哈哈．．．當然不是啦，右邊坐了很多人，只是左邊剛巧只坐了Mandy一人！哈哈．．．

　　多謝Sam, Janus, Mandy今晚幫我們練歌，也多謝Alfred幾晚無乜點訓都來幫我拍video花絮！多晒！

8 days

　　今晚參加中學同學兼好朋友阿峰的婚宴，阿峰和Ling Ling拍拖八年，見證著他們從認識、拍拖、求左幾個月婚（係因為阿峰太忙，成日話求婚求婚，但都無時間求婚）今日；終於結婚啦，真的替他們開心！新娘子整晚不停地喊，嚴格ｄ來說是喊左一日，攪到我都覺得好感動！唔知道到我結婚時，我會唔會都忍唔住.......呢？

　　因為阿峰在商台工作，人面廣，所以盡得881 & 903傾台而出地幫忙。連擺酒也要在"九展"，證明今晚的show內容一定十分豐富。沒錯，簡直好似睇緊叱咤一樣！除了有Donald和朱芬做MC之外，連小方都黎飲，再睇埋ｄ佈置已經知道絕不簡單啦！一對新人亦很細心，因為知道自己會很忙，未必能與每位賓客拍照留念，所以特登放一對紙版公仔與大家拍照留念，真係細心。如果想知道更多阿峰&Ling Ling的故事，可以按這裡"Raphael Cheng"就可以參觀下佢地個BLOG啦！

　　好朋友結左婚，再想一想，仲有 八日 就到我啦！今晚遇見ｄUncle、Aunite、舊同學，大家第一句說話都係：「下星期輪到你啦！」嘩，乜料！下個星期真係輪到我啦！血壓、腎上線素、皮質醇等等馬上瘋狂飈升，超級緊張呀！

9 days

　　辛苦了如燕及婷婷，她們就像六、七十年代山寨廠裡穿膠花的女工一樣，忙碌了大半天在預備禮堂的佈置。

　　仲記唔記得好耐之前有一個"職業訓練局"的廣告，有一位男士很自豪地說：「紅館，我有份起架！」你有無諗過當有人讚賞佈置很精緻的時候，你也可以很自豪地回答：「我有份整架！」

　　當然，一切榮耀都歸給主，但我也鼓勵有藝術恩賜的你；在這個星期日（10月22日）下午伸出援手，幫忙一起佈置，如果你沒有太多的藝術細胞，但擁有一股牛力，也歡迎你來擔擔抬抬，執頭執尾！

　　仲有九日乍，加油呀！

10 days

　　最近為著婚禮的事宜非常忙碌，每晚都兩、三點才睡覺，真的很疲倦呀！如果俾我見到一張床，我就一定會"囡"落去，因為實在係太眼訓啦！今次被"囡"的一張床位處太古城中心的UNY，真的很舒服呀，舒服到唔捨得走......

　　如果唔想俾大家見到熊貓著禮服，我都係要乖乖地早ｄ訓覺啦！

　　倒數計時器啟動，十天！

11 days

　　今天頻撲了十多處地方：包括：筲箕灣、銅鑼灣、灣仔、中環、尖沙咀、油麻地、旺角、長沙灣等等．．．辦理及購買結婚事務及物品，雖然都是地鐵沿線，但真係行到腳軟呀！

　　多謝Tracy送給我們的bear bear熊，我們是絕不會讓它們在車頭吹風的！哈哈！

　　前晚，接到祥哥的電話，他第一句便問我：「Kengor，你有無做facial呀？要靚ｄ呀，唔好俾其他人搶鏡，要為男子組爭光呀！」多謝祥哥的提醒，我會加緊努力做facial，晚晚用water sleeping pack，朝朝查防曬啦。

　　請為我和如燕臉上的暗瘡禱告！

12 days

　　今天已經是10月16日，還有十二天便是我的人生大日子啦！進入倒數階段，當然有很多事情要辦吧，每天的工作時間表也排得密密麻麻！

　　雖然忙碌，但很感謝主，在我們身邊有一班好好的弟兄姊妹，很樂意為我們分憂，除為我們代禱之餘，更每事親力親為替我們打點。真的很感激你們呀！

P.S. 我們的小花女曦彤一天一天的長大！

辛苦晒！

　　結婚當天的遊戲就是參考這本《玩喜喜你》而改編！不過，我相信一班好姊妹唔會只係咁簡單，佢地一定會設計一ｄ更加刺激，超乎我地想像，同埋令人難忘的遊戲來"招呼"我地一班兄弟！在此衷心向一班兄弟說聲：「辛苦晒！」

　　還有十七日！好緊張呀！

P.S. 提醒姊妹們一句，耶穌基督曾經吩咐：「我賜給你們一條新命令，乃是叫你們彼此相愛；我怎樣愛你們，你們也要怎樣相愛。」（約翰福音13:34）請手下留情。

兄弟姊妹團第一次會議

日期：2006年10月8日（星期日）
時間：6:30-9:15PM
地點：逸濤灣住客會所多用途室
出席：新郎　新娘　兄弟　姊妹
　　　花仔　花女　家長　嘉賓

一．姊妹團閉門會議（參圖1）
　　
二．敬拜讚美＋禱告（參圖2）

三．晚膳（參圖3）

四．彼此認識遊戲（參圖4）

五．婚禮流程講解（參圖5）

六．結束禱告

李李林林（ling ling lum lum）

　　今晚參加了朋友的婚宴，他們是李李聯婚，剛好與我們的林林聯婚互相輝映！

我係小曦彤

　　大家好，我叫做林曦彤呀！抱住我的係如燕姑媽，佢好錫我架，成日都抱住我行來行去，仲會幫我換片片添．企響姑媽旁邊係Ken叔叔，不過多廿幾日我就要改口叫佢做姑丈啦！我個腦咁細，叫我記咁多野，真係辛苦啦！

　　佢地結婚果日岩岩係我彌月多一日呀！唔知道溢溢表哥、朗朗哥哥、Zanna姐姐同埋Faith姐姐斟唔斟埋我玩，俾我做花女呢？

中秋節快樂

　　今年中秋節，我們的婚姻狀況係"未婚"！明年中秋，我們就可以剔"已婚"啦！

　　唔知道結左婚，個月亮會唔會圓ｄ光ｄ呢？ 祝各位中秋節快樂！

日頭月亮，你們要讚美祂！放光的星宿，你們都要讚美祂！

（詩篇148:3）

回復窈窕

　　3KG終於成功啦！感謝各位的支持和鼓勵！多謝各位不停的鞭策我，當我手拿著薯片時的那一句："Kengor，3KG呀！"，當然也多謝如燕常常提醒我，"雪糕肥呀！汽水肥呀！麥當奴肥呀！"這些說話，我一定會銘記於心！

　　為左慶祝減磅成功，所以決定逢著中秋佳節獎勵一下自己！當然唔止一隻大閘蟹啦......仲有：明爐燒鵝、清蒸大海斑、沙律海鮮卷、藕片炒瀨尿蝦、生炒糯米飯、南瓜露等等等等.......太好味啦！哈哈！

　　今晚重了的幾磅，留待明天再解決吧！加油呀！尚有22日！

誠意邀請

蒙天父的恩典並父母的培育

我倆謹訂主零二零零六年十月二十八日（星期六）

下午二時三十分

假香港中環些利街二十號香港潮人生命堂舉行結婚典禮

敬請蒞臨　共證婚盟　同頌主恩

建理．如燕

敬約

Jodie & Kenneth

together with their families

request the honour of your presence

at their wedding ceremony to share the joy of

the vow in front of God

on Saturday, 28 October 2006 at 2:30pm

at The Hong Kong Swatow Christian Church

20 Shelley Street Central, Hong Kong