20140327 與爺爺的對話

看看以下對話，便知道爺爺手術後有多精神...

爺爺：「枱上面果杯係咩黎架？」
護士：「係你肚裡面抽出來的膽石，俾你睇完就會掉左佢。」
爺爺：「好在你早d講，唔係我會當藥食左佢！」

我：「你因為個膽囊發炎，所以切除左。」
爺爺：「吓！咁我咪變左《無膽匪類》？」
在鄰床的清潔姐姐在笑...
爺爺：「阿姐，你在笑我嗎？」
姐姐（岔開話題）：「伯伯，你真幸福，個仔幫你按摩。」
爺爺：「係呀，佢好乖，佢係傳道人，我新抱都係傳道人，佢六月都會黎生BB，到時麻煩你地照顧佢啦！」
姐姐：「係孫仔定孫女呀？」
爺爺：「係仔呀，個孫女三年前，都係響呢度出世架，一個好字！」

爺爺低聲問我：「訓響隔離床個果係咪王祖藍？姑娘叫佢做王先生，佢把聲又幾似喎。」
我：「唔係，係王維基！」

爺爺：「我想食奶油多！」
我：「有無搞錯，你要戒口，咪洗旨意再食！」
爺爺：「醫生都無話戒口！」
我：「係未同你講要戒口！」

爺爺：「呢度隔離係咪浸會大學？邊幅地要改變用途？」
我：「你又幾緊貼時事喎！」

爺爺：「佢係咪要洗禮？」

我：「果隻係人

地ge「鴨仔」(尿壼)」