潮州美食巡禮

　　收到Judith在潮州拍的相片，不禁要與大家一起「分享」這些美食！

　　街頭牛丸、魚蛋粉！但味道絕對比不上對面街的「三兄弟牛丸」，而且我們相信老闆呃我們係遊客，收我們十蚊一碗，所以大家千祈唔好再幫襯。

　　潮州功夫茶，相信大家一年都唔夠這三天喝的份量！

　　這種食物叫做「薄殼」，同埋辣椒、金不換一齊炒，香味、鮮味十足！

　　羔燒孖寶；即係以糖漿煮芋頭和蕃薯，加上有紅棗的清香，甜而不膩。

　　著名潮州鹵水，最出名的當然是「澄海獅頭鵝」，但根據當地朋友說，同一重量的鵝，但價錢會相差很遠，因為有不法商人會用化學劑去鵝毛，令鵝肉帶毒素。所以寧願百幾蚊食一隻穩穩陣陣的手拔鵝啦！但我最欣賞的都係鹵水鵝肝，很香的！

　　這是一種潮州人稱為「獅蛤」的貝殼類食物，另外有一個名字叫「血蜆」，顧名思義，是「血淋淋」的，只是用滾水一碌便上碟，所以一打開貝殼還會流出血來。雖然有一點恐怖，但是味道十分鮮甜的！

　　Judith夾著的是紫菜蝦蟹棗，有點像吃壽司的感覺！

　　別以為這是平平無奇的菜式，其實它是在芋茸上蓋上一塊薄薄的鴨肉，然後再酥炸。每啖也有鹹甜兩種味道，十分特別！連不吃芋頭的我，也十分欣賞這道菜！

　　姊妹們特別愛吃甜品，這便是她們其中一樣摯愛：糖煮銀杏羌薯。

　　其實潮州有很多很美味的食物，但由於時間有限及不是當做季節，所以未能品嚐得到，例如：如燕最愛的鼠殼果（是一種甜點）、番鬼佬荔枝等等。下次您又有無興趣同我地一齊返潮州呢？