20140519 愛家庭

昨天，518，第一次帶格格上街，在人潮中格格問我為什麼今天要巡遊...

擠在柏麗大道上...
格：「Daddy，點解我們要出來巡遊？」
爸：「因為Daddy、媽咪愛格格。格格你愛唔愛Daddy、媽咪？」
格：「愛！」
爸：「咁Daddy係男仔定女仔？」
格：「男仔。」
爸：「媽咪呢？」
格：「女仔。」
爸：「係，呢個就係原因。」

------

在車上，經過一天主教堂，牆上有一耶穌受難像…
格：「Daddy，邊個響十字架上面呀？」
爸：「耶穌囉。」
格：「咁耶穌而家係咪仲釘響十字架上面呀？」
爸：「唔係呀，佢已經被埋葬，第三日復活左啦！因為耶穌愛我地，所以佢用寶血洗乾淨我地既罪囉！」
格：「咁佢係咪第日會再返黎架？」
爸：「哈哈，你咁叻既，知道耶穌升左天，會再返來？」
格：「咁耶穌係男仔定女仔呀？」
爸：「你平時睇聖經、聽故事，耶穌係男仔定女仔？」
格：「男仔，但係點解佢係男仔？」
爸：「咁格格你係男仔定女仔？」
格：「女仔囉！」
爸：「點解既？」
格：「因為我係天父的創造！」

點解要上街，其實原因很簡單，不用很多的知識、讀很多書才會知道。盼望在上街的同時，讓我們也深刻反省，是否只霎時高調，還是當社會不公義、不公平發生時就充耳不聞、不發聲回應。

但另一方面，更盼望這個連三歲也知道「阿媽係女人」的道理被捍衛，有時候傳媒過濾不報導不是最可怕，信徒的冷嘲熱諷才是更可怕。